Lehen Hezkuntzako lehen mailako txikiek Salburua bisitatu dute eta primeran pasatzeaz gain, argazki ederrak oparitu dizkigute.

Ikas Komunitate bat garen aldetik, lau-bost urtez behin gutxi gora behera, gure komunitateko  arlo  guztietan emaitzak hobetzearren  zenbait  ekintza gauzatzen ditugu. Horietako eta garrantzitsueneko bat  ametsaren fasea da. 

Fase honen helburua  komunitate osoaren ametsak jasotzea da,  komunitateko ahots guztiak kontuan hartuz eta ikasleentzat amesten den eskola gure seme-alabentzat amesten dugun eskola berbera dela aintzakotzat hartuz, hori guztia IPI Sansomendi kalitatezko eskola bilakatzeko. 

Oso garrantzitsua da komunitate osoak amets egitea, parte hartzea eta bere idealak partekatzeko aukera izatea, betiere hezkuntza hobetzeko helburu argiarekin.

Irakasleok jada, idatzia dugu gure ametsa, eta, oraingoan familien garaia da,  horretarako otsailaren 27tik martxoaren 7ra arte sentsibilizaio fasean murgilduta ibiliko gara. Familien parte hartzea ezinbestekoa ikusten dugu eta horretarako gure komunitateko txikienentzat jaialdi bat prestatu da, martxoaren 7an alegia, faseari bukaera eman eta bertan familien amets guztiak jasotzeko.

Zuen parte hartzea interes handikoa dela esan beharrik ez dago eta jarduera lanorduetatik kanpo dagoela jakin badakigu, baina ezin izan da beste tarterik topatu, izan ere, oraingoan familien asebetzea izan dugu ardatz. Jaialdira azaltzen zaratenak besozabal hartuko zaituztegu eta ezin duzuenei jakin erabat ulergarria dela une horretan egon ezin izatea.

Eskerrik asko aldez aurretik egiten ari zareten lanagatik!

Zuzendaritza taldea eta Ametsaren Batzordea

6.mailako ikasleak Hondarribiako Barnetegian gaude. Zoragarria izaten ari da egonaldia. Ekintza dibertigarriak egiten ari gara. Besteak-beste, sukaldariak izan gara eta gailetak egin ditugu etxera eramateko.  Gurekin dauden begiraleak jator-jatorrak dira eta barre pila egiten ari gara. 

Neguko hotzari aurre egiteko aste honetan txurroak txokolatearekin egin ditugu. Ekipo ederra osatzen dugunez, lana banatu dugu. Juanfe, Carlos, Eze eta Andersonek orea egin dute, Andreak eta Raquelek txurroak frijitu dituzte, eta Pascual eta Amin txokolatea egiteaz arduratu dira. 

TXURROAK

OSAGAIAK:

• Katilu bat hirin
• Katilu bat ur bero
• Gatza
• Sobre erdi legamia
• Olioa
• Azukrea

Nola egin:

• Lehenengo, katilu batean ura berotzen jarriko dugu irakin arte.
• Hirina, legamia eta gatza katilu handi batera bota, ura gehitu eta ondo nahastu.
• Zartagin batean olio nahikotxo bota eta ondo berotu.
• Txurrera orez (masa) bete eta zartaginean txurroak frijitzen hasi.
• Frijituta daudenean erretilu (bandeja) batean jarri sukaldeko paperaren gainean koipea kentzeko eta gainetik azukrea bota.
• Ondoren, nahi baduzu, txokolatetan buztita jan.

On egin!

Ostegunean, azaroak 24an, berriz ere elkartu ginen sukaldaritza tailerrean. Oraingoan barazki quicheak prestatu genituen. Khadija, Anan, Ousseynu, Andrea, Juan Fe, María, Pascual, Eze eta Amin fin-fin ibili ziren lanean!

Onena gero heldu zen, quicheak jan genituenean. Gainera ikasle hauek oso jatorrak direnez, irakasle, garbitzaile, Juanjo eta ikaskideekin partekatu zuten egindakoa.

QUICHÉ DE VERDURAS

OSAGAIAK

Ore hautsia 
Kalabazina
Tipula
Txanpiak
200gr esnegain
3 arrautza
Gazta arraspatua
Oliba olioa
Gatza eta piperbeltza
Gurina

NOLA EGIN

Berotu labea 180º -tara
Barazkiak dado txikitan zatitu.
Zartagin batean olioa bota eta bero dagoenean tipula eta gatz pixka bat bota.
Tipula pixka bat eginda dagoenean, txanpiak gehitu eta 3-4 minututara kalabazina.
Barazkiak biguntzen direnean, sua itzali eta geroko gorde.
Molde bat gurinaz igurtzi eta ore hautsia jarri. Sardexka batekin zulatu, labean ez igotzeko.

Moldea labean sartu, 10 minutuz.

Bitartean bol batean esnegaina eta arrautzak irabiatu. Barazkiak eta piperbeltza gehitu eta behar izanez gero gatza ere bai.

Moldea labetik atera eta rellenoa bota, gazta gainetik bota eta labean sartu beste 30 bat minutuz.
 

Ondoren jan,

¡ON EGIN!

MAGDALENAK

OSAGAIAK:

• 150gr Hirin integrala.
• 150gr Azukre beltz edo panela
• 70gr oliba olio
• Goilarakadatxo 1 legamia (levadura)
• 3 arrautza

Nola egin:

• Berotu labea 180 º ra.
• Irabiatu (batir) arrautzak azukrearekin.
• Gehitu olioa eta irabiatu.
• Bahetu (tamizar) hirina eta legamia eta nahastu ondo beste osagaiekin.
• Paperezko moldeak prestatzen dituzun bitartean utzi orea jalkitzen (reposar)
• Aukeran, gehitu oreari txokolate pepitak edo kakaoa edo biak.
• Bete moldearen 3/4ak  oreakin eta gainetik bota azukre pixka bat.
• Sartu madalenak labean 20 bat minutuz edo eginda egon arte.
• Atera labetik eta utzi hozten rejilla baten gainean.

Ondoren jan, ON EGIN!

Urriaren 24tik 28ra artearen astea ospatu dugu IPI Sansomendiko etapa guztietan. Honetan “Niño Pensador” artelana landu dugu geletan gero arte tertulia bat eskulturaren inguruan egin ahal izateko. Oso interesgarria izan da eta beti bezala asko ikasi dugu. 

Egilea Casto Solano da, Iqbal Masih umearen omenez egin zuen eskultura hau. 12 urte zituela Pakistango tapizen mafiak erail zuen. Lau urte zituen bere familiak 600 rupiaren truke (10 €) alfonbra-lantegi baten jabearen eskuetan utzi zuenean. Haurra jipoitu eta kateatu zuten. 1992an haur esklabuak salbatzen zituen erakunde batek askatu egin zuen. Eskolara joaten hasi zen eta umeen eskubideen alde publikoki hitz egiten hasi zen. 1994an sari bat eman zioten umeen eskubideen alde lan egiteagatik. Hurrengo urtean, apirilaren 16an tiroz hil zuten.

Gasteizeko kaleetan Casto Solanoren artelan batzuk ikus ditzagu, hala nola: Libertad, El hombre del arco iris, El minotauro, Niño pensador, Monumento a Ken Follet, Equilibrio. Bere artelan gehienak kaleetan daude, obra publikoak egiten ditu batez ere. 

Eskertu nahi dugu arte batzordekoei egiten duten lana eta tertulia hau burutzeko egindako ahalegina. Aukera bikaina izan da artelana hau gertutik ezagutzeko eta Haurren esklabotzaren aurkako datu gehiago jakiteko. 

Mila esker!

Lehen Hezkuntzako 5.mailan bisita gidatua egin dugu Gasteizen bertako monumentuak, udaletxea, kultur zentroa, muralak eta Gasteizko alde zaharrak gordetzen duen Erdi Aroko hiztoria ezagutzeko.

Asko gozatu dugu!!

Aste batzuk pasatu dira udako oporrak amaitu eta berrizere eskolara itzuli ginela, eta jada martxan gaude!!

Aurten zuen txanda ere bada, familiak. Ausartu, animatu eta parte hartu!!

ZUEK ERE ONGIETORRIAK ZARETE!!